ON AIR

सोनाम ल्होसार पर्व मनाइदै

|Views: 166

१५, माघ, काठमाडौ । आज माघ शुक्ल प्रतिपदा तामाङ समुदायको महान पर्व सोनाम ल्होसार विभिन्न कार्यक्रम गरी मुलुकभर मनाउन लागिएको छ । मञ्जुश्री पात्रो अनुसार आजदेखि २८ सय ५३ औ ज्यालो तथा बाँदर वर्ष पूरा गरी चरा वर्ष अर्थात प्रवेश हुन लागेको अवशरमा तामाङ समुदायमा नयाँ वर्ष उल्लास र एक आसपसमा खुसीयाली साटेर मनाउन लागेको हो । प्रत्येक वर्ष माघ शुक्ल प्रतिपदाका अवसरमा विभिन्न कार्यक्रम गरी सोनाम ल्होसार पर्व मनाउने गरिएको छ ।
एक वर्षमा एक बर्ग वर्ष अन्तरगत बाँदर, चरा, मुसा, बाघ, बिरालो, घोडा, सुङ्गुर, गोरु, खरायो, भेडा, सर्प र ड्रागन गरी १२ वर्गमा सोनाम ल्होसारलाई विभाजन गरिएको तामाङ समुदायका अगुवा तथा नेपाल अहिंसावादी बौद्धधर्म विश्व शान्ति चक्रसंघका नुवाकोट अध्यक्ष धनबहादुर तामाङले जानकारी दिनुभएको छ । यसवर्ष बौद्ध स्तुपको चार ढोका खुल्ने अवसर परेकाले पनि तामाङ समुदायले सोनाम ल्होसार विशेष रुपमा मनाउन लागेका छन् ।
स्तुप निर्माणको काम चरा वर्षका दिन सुरु भई १२ वर्षपछि चरा वर्षमै सकिएकाले आज बौद्धका चार ढोका खोल्ने भएको छ । आजको दिन दर्शनार्थीलाई चारै ढोकाबाट दर्शन गर्न दिइएको छ । सोनाम लोसार पर्वको अवशरमा आज नुवाकोटको विभिन्न स्थानमा साँस्कृतिक तथा सचेतनामूलक कार्यक्रमको आयोजना गरिएको छ ।
मुख्य सोनाम लोसार पर्व आज भएपनि आसपासको दिनमा पनि विभिन्न सास्कृतिक कार्यक्रम गरी मनाइने गरिएको छ । सोनाम ल्होसार पर्वमा तामाङ समुदायले आफ्नो खाना, भेषभूषा, कला संस्कृति लगायतको प्रदर्शन तथा प्रबद्धन गरी उल्लासको साथ मनाइरहेको छ ।