ON AIR

बेलकोेटगढी नगरपालिका पुर्नस्थापनाा नभए सबैभन्दा पीडित रातमाटे

|Views: 1644

भगवती लामा
१५, माघ, नुवाकोट । प्रस्तावित बेलकोटगढी नगरपालिकाको परिवर्तनले सबैभन्दा बढी समस्या र मारमा रातमाटे गाविसका बासिन्दाहरु परेका छन् ।
सुन्दर नगरपालिकाको परिकल्पना सहित प्रस्ताव गरिएको बेलकोटगढी नगरपालिकाको केन्द्र बाघाखोरलाई तोकिएकोमा अहिले रातमाटे, दुईपिपल र कुमरीलाई समावेश गरी कोल्पु नामक नयाँ स्थानीयतह जन्माएर कुमरीमा केन्द्र प्रस्ताव गरिएको छ ।
दुईपिपल भन्दा पनि तल पर्ने रातमाटे गाविससको बासिन्दाहरुको लागी नगरपालिका बन्नको लागी पूर्वाधार तथा भौतिक संरचना लगायतका विकासले सम्पनन भएपनि अहिले परिवर्तन गरी गाँउपालिका बनाउदै निकै पर रहेको कुमरीमा केन्द्र चयन भएकाले त्यही अनुसार कार्यान्वयन भएमा सम्भावना रहेको रातमाटेको विकासमा निकै ठूलो धक्का पुग्नेदेखिएको छ ।
रातमाटे भन्दापनि विकासमा पछि रहेका गाविसहरु समेतलाई विदुर नगरपालिकामा समावेश भएको अबस्थमा सुन्दर फाँट, विशेष औद्योगिक क्षेत्रको रुपमा प्रस्तावित स्थान, कर संंकलनको लागी नदीजन्य सामग्रि, इट्टाभट्टा लगायतबाट प्रयाप्त श्रोत भएको रातमाटेको विकासको लागी कोल्पु गाँउपालिका ठूलो बाधक बन्ने देखिएको छ ।


नगरपालिका भित्र रहेको भन्दा भौतिक रुपमा श्रोत र साधनले प्रयाप्त रहेका रातमाटेमा अहिले नै रहेका वित्तिय सस्थाहरु, उच्च तथा स्नातकतहसम्म अध्यापन हदै आएका शैक्षिक सस्थाहरु पनि कोल्पु गाँउपालिका कायम हुदै कुमरीमा केन्द्र स्थापनाले आगामी दिनमा धाराशायी हुने देखिएको छ । नगरपालिका भएमा विकासको लागी बजेटमा दोब्बर भन्दा बढी आउने केन्द्रपनि बाघाखोर कुमरी भन्दा दुरीको रुपमा निकै छोटो हुने भएकाले रातमाटेवासीलाई बेलकोटगढी नगरपालिकाको कार्यान्वयनको विकासको लागी नयाँ बरदान सावित हुने भएकाले बेलकोटगढी नगरपालिका बचाउ सङ्घर्ष समितिको आन्दोलन नयाँ अध्याय र कोसेढुङ्गा हुने देखिएको छ ।